ბეტონის ბლოკი

რა განსაზღვრავს ბლოკის ხარისხს

ბეტონის ბლოკში ხარისხი სამ რამეზეა დამოკიდებული: ცემენტის რაოდენობა ნარევში, ინერტული მასალის სისუფთავე და ის, თუ რამდენ ხანს დგას ბლოკი გამოშრობაზე. თუ რომელიმე ამათგანზე დაზოგავ, ბლოკი ჯერ ლამაზად გამოიყურება და მერე კედელში იბზარება.

ჩვენ ნარევის პროპორციას არ ვცვლით სეზონისა და შეკვეთის მიხედვით. ამიტომ მეასე ბლოკი ისეთივეა, როგორიც პირველი — და მშენებლობაზე სწორედ ეს არის მნიშვნელოვანი.

როგორ ვცნოთ კარგი ბლოკი

• წონა — სტანდარტული 20-იანი ბლოკი დაახლოებით 17 კგ-ია. მკვეთრად მსუბუქი ბლოკი ნიშნავს, რომ ნარევში ცემენტი დაზოგილია.
• კიდეები — მთელი, არა ჩამოშლილი კუთხეები. ჩამოცვენილი კიდე ცუდი ფორმის ან ნაადრევად გადატანილი ბლოკის ნიშანია.
• ბგერა — მშრალი, მკვრივი ხმა დარტყმისას. ყრუ ხმა ნიშნავს, რომ ბლოკი ბოლომდე არ არის გამაგრებული.
• ზედაპირი — თანაბარი, ღრმა ფორების გარეშე.

20-იანი თუ 12-იანი

20-იანი (40×20×20 სმ) — მზიდი კედლებისთვის: სახლის გარე კედლები, ღობე, კომერციული ობიექტი. 12-იანი — შიდა ტიხრებისთვის, სადაც კედელი წონას არ იღებს და სისქის დაზოგვა გინდათ. თუ ეჭვობთ რომელი გჭირდებათ, დარეკეთ და გეტყვით.

იხილეთ ასევე: სამშენებლო ბლოკის არჩევა და ფასები.